因為尋晚預左去卡拉OK，所以專登同映映調更，改左下星期六先返工，令尋晚可以唱K唱夜d先返屋企啦，今日如同平日既假期，無十二點都唔會起身既我，今日十一點幾就俾媽媽個電話嘈醒左，不過，以我既性格梗係講完兩句就收再訓啦。直到差唔多一點起身，先發覺成間屋都無人，不過仲好可以寧靜一點點，假期起身第一件事梗係先online check email，再check sina blog，再check facebook啦，之後再無無聊聊上網看看東西，差不多兩點幾先落街食野，今日既早餐+午餐+下午茶就係樓下間酒樓進行啦，睇左一陣報紙再食左少少野，差不多四點幾先返屋企，執下東又執下西，又差不多時間準備出門口去Dinner啦。

尋日都提過啦，今日約左d舊同事食打邊爐，原定係TST 德興酒家打邊爐架，原定以為Wing Wing由TM出黎會方便d，原來唔係囉，最終因此TM太大大大雨，Wing Wing都係返左屋企，最終約CK & Victor改左係ST係稻香打邊爐。原來稻香打邊爐都不錯架，唯一就係實在太多多多多人啦，我地等左大概40分鐘左右先有位，好彩佢俾左個寧靜既角落，所以我地可以好寧靜咁傾計呀，傾返以前出團既野，當然有開心亦都係有唔開心啦，不過無論如何都係一個成長既回憶呀，所以大家都無後悔用左幾年時間係呢間舊公司呀。雖然我&Victor唔駛返工，不過因為CK聽日要返早，所以差不多十一點就dismissed啦。

不過返屋企途中收到Mummy既電話，又一個壊消息啦，Uncle突然身體唔舒服入左醫院，問我有無時間去看一看，唉，點解今年家族既親人陸陸續續都有不同既問題架？唉.......

今日好開心呀...

經過上星期五既Management Issues Exam之後, 約定左幾位好好既同學仔去卡拉OK之夜, 作為考試後既安慰, 今次呢個卡拉OK之夜係考試前已經計劃左, 亦都係努力溫書準備考試既動力之一架, 所以我地大家都盡力溫習, 迎接呢個超難既科目呀。

原本約定左Don & Stephanie, 可惜佢地都有些原因未能出席, 不過唔緊要下次再約過, 今次雖然人數唔多, 只有Mike, Eddie, Queenie, Timonthy & Me, 但勝在大家都好投入, 五個人由七點半唱到十二點半, 大家都無停過口, 一首歌再接一首歌, Mike & Eddie 由高音唱到低音再到高音, 由大聲唱到細聲再唱返大聲, 而我, Timonthy & Queenie 就好保護把聲啦, 用最平和既聲線既音量去唱, 唔辛苦又可以唱多兩首...不過無論如何唱, 大家都玩得好開心.... <可惜無映相, 如果唔係可以同大家分享下‧>

好期待下一次既娛樂活動, 不過要等待下一次Mid Term Test 或 Exam 之後啦.....

PS: 今日去卡拉OK途中，分別係火車站及東海中心遇到兩位舊同事Kanas & Pion呀，真係勁勁勁開心呀，好掛住以前既好同事呀，明天約左Jetour 同事食Dinner...